Қазақстан Республикасының Тәуелсіздік күні қарсаңында облыстық балалар биологиялық орталығында «Менің үйім, менің тағдырым, менің Қазақстаным!» атты патриоттық іс-шара өткізілді. Мерекеге 800-ден астам жас натуралистер қатысып, өнерлерін көрсетті: патриоттық өлеңдер айтып, би биледі. Іс-шара жүргізушісі болып өзін-өзі басқару белсенділері тағайындалды және міндеттерін абыроймен атқарды. Балалар Тәуелсіз Қазақстанның дамуы туралы көрнекі мәліметтер дайындап, оқушыларды еліміздің тарихи шежіресімен таныстырды. Мереке соңында жас натуралистер өз құттықтау тілектерін жазып, тілек ағашына ілді.
