Әрбір мемлекет үлкен немесе кіші болмасын өзінің ел басшысы болады. Ел басы – Конституцияның арнайы бөлігімен қарастырылып таңдалатын лауазым өкілі. Облыстық балалар биологиялық орталығындағы алғашқы Президент күніне арналған іс – шара «Елдің көшбасшысы, президентіміз-Нұрсұлтан Әбішұлы Назарбаев!», деген сөздерден басталды.
«Гүлдендіру және фитодизайн» мен «Дендрология» үйірмесінің жас натуралистері Қазақстан Республикасының Алғашқы Президенті күніне ақпараттық слайдтар дайындап қорғады, «Табиғат және біз» үйірмесінің қыздары қазақ халқының «Түрік» биімен іс – шараны ашты, «Гүлдендіру және фитодизайн» үйірмесінің оқушысы Досмагулова Мариям өзінің шығармашылығындағы «Біздің Елбасы!» атты өлең шумағын оқып берді, ал «Аквариумистика және террариумистика» үйірмесінің жас натуралистері Елбасы туралы ақпараттық газет жасап үйірме оқушыларымен бөлісті, «Зоология» үйірмесінен Ыбышева Мадина скрипка көмегімен Абай Құнанбаевтың «Желсіз түнде жарық ай» атты шығармасын ойнап берді, ал іс шараны «Табиғат және біз» үйірмесінің оқушылары «Жаса Қазақстан!» атты өлеңімен аяқтады. Іс-шараны қорытындылау мақсатында жүргізушілер жас натуралистермен қосылып Отанға және Қазақстан Республикасы Президентіне арналған тілектерін жолдады.
