Бүгін оқушылардың күзгі демалысының биологиялық орталықтағы екінші күні. Бүгінгі күнді өсімдіктер өміріндегі күзгі құбылыстарды және биологиялық орталықтың жануарларын зерттеуге арнаймыз. Осы орайда табиғаттағы күзгі өзгерістер туралы виртуалды экскурсия ұйымдастырылды, сондай-ақ күзгі орманға саяхат өткізілді. Неліктен ағаштардың жапырақтары сарғайып, жерге түседі? Құстар жылы жаққа неге ұшады? Орталықта өмір сүретін жануарлардың қыс мерзіміне дайындығы қандай? Осындай қызығушылық танытқан көптеген сұрақтарына жауаптар берілді. Оқушылар қашықтық форматта өткен танымдық викторинаға қатысты, ал тәжірибелік жұмыста ағаш дақылдарының вегетативті мүшелерін анықтау үшін бұтақтар дайындады. Бұл іс-шара балалардың көңілдерін көтеріп, қызыққа кенелтті, сонымен қатар білімдерін табиғаттағы күзгі құбылыстарды зерттеуге арналған қызықты танымжорықпен толықтырды.
