Қар еріген соң қаламыздың көшелері «бізге назар аударыңдар!» деп көмек сұрап тұрғандай. Адамдар неліктен табиғаты сақталған жерге қоқысты үйетіні белгісіз…
Жасыл желекке оралған аралдың қоқыс төгетін орынға айналғанын көре отыра, біз, биологиялық орталықтың ұжымы, бұл мәселеге бейжай қарай алмадық. Бір кісідей жұмылып, «демалыс үйі» және «Өлімнен де күшті» монументіне дейінгі аумақты толықтай қоқыстан тазарттық. Өкінішке орай, темекі тұқылдары, бос бөтелкелер мен пластик ыдыстар, шашылып жатқан қағаздар қоршаған ортамыздың бір бөлігіне айналғандай. Бүгін адамдар қоқысты далаға лақтырады, ал күні ертең балалары, немерелері мен шөберелеріне қандай ортаны қалдыратына мән бермейді. Осы күйде жалғаса берсе адамзат қоқыстың арасында өмір сүруіне тура келеді. Сондықтан келешегімізді дәл бүгін ойлауымыз керек, әр адам өзінің ұрпағы үшін тазалықты сақтауға міндетті!
#My_Eco_School
#ЭкоАсар
#Мояэкошкола
#Vпереработку
