Бүгін биологиялық орталықтың оқу – тәжірибелік аумағында қызу жұмыс басталды. Көктем мерзімі – биологиялық орталық қызметкерлері үшін жауапты кезең, себебі жануарлардың азығын құрайтын көкөніс дақылдарының тұқымын себу, отырғызу жұмыстары үлкен күш-жігерді талап етеді. Сүйікті жануарларымыздың дұрыс тамақтануы үшін көкөністердің өнімділігі мен сапасының маңызы зор, сол себепті қажетті шаралар кешенін уақтылы жүргізу қажет, өсімдіктердің қарқынды өсуі- топырақтың құнарлығына байланысты. Бүгін ұжым қызметкерлері сәбіз және картоп отырғызды, бұл егіннің аз ғана бөлігі. Алдағы уақытта бізді көкөністердің, жеміс-жидектер мен әдемі гүлдердің сан алуан түрлерін отырғызу жұмыстары күтіп тұр. Орталығымыздың эстетикалық көрінісі экологиялық сананы оятады, табиғатқа деген сүйіспеншілікті тәрбиелеуге, адамдардың тіршілік болмысына деген сауатты көзқарасын қалыптастыруға ықпалын тигізеді.
