2021 жылдың 29 қазанында биологиялық орталықтың ұжымы мен жас натуралистері Валерий Николаевичті бір минут үнсіздікпен еске алады. Осыдан бір жыл бұрын іскер басшы, ұлағатты ұстаз өмірден озған болатын.
Биологиялық орталық Валерий Николаевичтің еңбек жолы ғана емес, өз қолымен қалаған іргетасы деуге болады. Аталған мекемені үздіксіз 33 жылдан астам басқарды және осы кісінің жетекшілігімен биологиялық орталық Қазақстан Республикасының үздік қосымша білім беру ұйымының біріне айналды.
Әріптестерінің адамгершілігі мол ұстазға деген ілтипаты- адамзатқа, табиғат пен қоршаған ортаға үйлесімді өмір жолын көрсете білген тұлғаның нағыз ерлігіне деген құрмет деп санаймыз!
Валерий Николаевичтің есімі көптеген ұрпақтар үшін таңдаған мамандығына мінсіз адал қызмет етудің үлгісі болады.
Валерий Николаевичтің жарқын жүзі әріптестері мен шәкірттерінің жүрегінде мәңгілік сақталады.
Құрметпен биологиялық орталықтың ұжымы.
