28 сәуірде Облыстық балалар биологиялық орталығының 85 жылдығына арналған «Экология: болашаққа көзқарас» атты қалалық ғылыми – тәжірибелік конференция өтті.
Конференция қала және қала маңындағы білім беру мектептерінің 9-11 сынып оқушылары арасында өткізілді. Конференцияның мақсаты балаларды туған өлкенің экологиялық мәселелерін шешуге, қоршаған ортаны танып-білуге тарту, сондай-ақ экологиялық мәдениетті дамытуға және салауатты, жауапты тұлғаны дамытуға назар аудару болды. Жұмыс келесі бағыттар бойынша жүргізілді: «Туған өлкені зерттейміз», «Жасыл экономика», «Денсаулық және қоршаған орта», «Экоәлем».
Барлығы 30-дан астам оқушы қатысты, барлық қатысушылар 1,2,3 дәрежелі дипломмен, сондай-ақ сертификаттармен марапатталды.
