2024 жылдың 12 сәуірінде биологиялық орталығының жас натуралистері мен Абай облысының елшілері Семей орманы қызметкерлері мен биологиялық орталық педагогтарының жетекшілігімен Дүниежүзілік «Менің орманым» акциясына қатысты. Балалар қылқан жапырақты ағаштардың көшеттерін отырғызып, осылайша қарағай отырғызу ережелері туралы білімдерін толықтырды және қарағай орманын қалпына келтіруге өз үлесін тигізді. Іс-шараны ұйымдастырушылар Семей қаласының әкімшілігі, Семей орманының мемлекеттік резерваты, Семей қаласының жастар ресурстық орталығы және еңбек ардагерлері болды.