Бүгін 1 сәуір күні биологиялық орталықта Халықаралық құстар күніне орайластырылған экологиялық іс-шара өтті, оған қаланың 80-нен астам мектеп оқушылары, сондай-ақ балалар үйінің тәрбиеленушілері қатысты. Іс-шара барысында акт залында құстарды қорғау мақсатында түрлі танымдық ойындар, сонымен қатар биологиялық орталық аумағында таза ауада құстарға қамқор болайық акциясы ұйымдастырылды. Жас натуралистердің қолдарымен жасалған құстардың үйшіктері тоғайлардың бұтақтарына ілінді.
Іс-шара соңында үйірмелерге «Жас зерттеушілер», «Ең қамқор», «Жас орнитологтар», «Ең зерделі», «Жас білгірлер» номинациялары бойынша марапатталды.
